कबिता - " राजनीति "

ह्स्त गौतम मृदल, भर्जिनिया
gautamhasta@gmail.com
नोभेम्बर १६, २००८
सरकार भित्र पातकी पसे पतीत पाराका।
हुर्मत लुटी हैरान पारे जनता साराका।
कोही छन दलाल सिद्धान्तका कोही छन शोषक।
शक्तिको संधै बाँडफाड गर्छन, यी पृष्ट पोषक।
सिमाना देखी अस्मिता सम्म कुल्चदा हास्दै छन।
उसैलाइ सुम्मी राष्टि्रयता सम्बन्ध गास्दै छन।
राष्ट्रका लागी सर्मपित हुने को छर बढेको।
आखिर यहां नेताहरु रहे छनी सडेको।
शक्तिले पेली शत्तामा बस्छन बिर्ता नै ठानेर।
निर्दोष जनता मार्छन यिनै बन्दुगले हानेर।
मुखमा राम राम बगलीमा छुरा बोकेर हिन्दछन।
बिकास जति लिलाम गरी बिकृति किन्दछन।
नक्कली जति सक्कली भए शत्तामा पुगेर।
राष्टि्रयता धरौटी राखे स्वार्थमा म्कुकेर।
लाटा जनता बाठा नेता भाषणमा सिपालु।
आसपासन दिन्छन सजिलैसंग उद्धेय बिषालु।
षडेन्त्रकारी, कपटीहरु श्ात्ताको हानाहान।
देशलाइ आज बर्बाद पारे यीनैले जानाजान।
उद्धेस्य बिहिन दर्शण यिन्को कर्म छ गतिहिन।
नाना थरी भाषण गर्छन आखिरमा मतिहिन।
सकुनी चालमा राजनीति चल्छ माफिया मौलाउछन।
कहिले निकै राम्रो हुन्छन, कहिले बहुलाउछन।
जहिले पनि हुर्मत लुटने सरकारको चलन।
कुन सपुत जन्मी समन गर्ला राष्टको जलन।